fontaine-belland

FONTAINE-BELLAND, ou FONTAINE-BELLANT, f. acut. Mot composé de Fontaine et Bellant, est un village et maison royalle au païs de Gastinois. Nic. Gilles en la vie du Roy Philippe le Bel, Au mois de Novembre audit an le Roy Philippe le Bel estant à Fontaine-bellant en Gastinois, où il estoit allé pour soy deporter et esbatre és chasses, parce qu'il aimoit le lieu pour y avoir esté né, luy print une maladie de laquelle il alla de vie à trespas l'an 28. de son regne, Fons-Bellandi. Car on veut dire que ce lieu, ou plustost cette fontaine est ainsi appelée, à cause d'un chien nommé bellant. On l'appelle à present Fontainebelleau, et par syncope Fontainebleau, lequel chasteau a esté grandement accru et embelli par le Roy François I. à son retour d'Espagne.

Thresor de la langue françoyse. Jean Nicot.